القلوب الدافية

السلام عليكم ورحمة الله وبركاته

عندما تكون القلوب تحت درجة الصفر المئويه !!
يتوقف سير الحياة ..
و نقترب من القطب الجنوبي ..
فـ نشعر بـ الحياة الفطريه ..
و نؤمن بقيمة خط الاستواء ..
و أرتفاع المستوى .. فوقنا .. !!

يا نجم يا ساري علـى مسـراي تكفـى لا تبـان

قّـل للظـلام يلبّـس الدنيـا عـبـاة ٍ ضافـيـه

مليت أشوفك ممتلـي بالنـور و تضـيء المكـان

و نجوم صدري داخل أضلاعي حزينه .. طافيـه

يا أبن الحلال.. أرجوك طف النور في دربي عشان

ما عـاد أميـز فالوجيـه .. الخاينـه و الوافيـه

ليه أخسر اللي طاح من عيني او أكسب لي رهان؟

مـا عـاد تفـرق .. و النتايـج كلهـا متكافيـه

ما عاد أبي صدمات تحت اسم التجارب.. و أمتحان

واحـد كفيـل بتعريّـة كـل العـلـوم الخافـيـه

الجرح واحد لو يجي .. من يد فلان او يـد فـلان

يتشابه الهافيـن .. فـي فعـل الأمـور الهافيـه

نفس الوجع/نفس الضما/نفس الخطا/نفـس الجبـان

نفس السؤال .. و نفس اجابـات الشهـود النافيـه

يا نجم خلك في محلـك مالـك و مـال الطمـان

أقلط على صدر المعالي .. صحتيـن و عافيـه !!

مـا دام موتـك مستحيـل و فيـك للجـو اتـزان

لا تنـزل الـوادي و تضربـك الريـاح السافيـه

تدري لو أنك تسأل عيوني عن الحرمـان .. كـان

تشرح لك الحرمـان فـي نظـرة أجابـه شافيـه

حلمي كبير و سيدة حلمـي مـن السحـر البيـان

ما جابها الواقع و لا جتني علـى ارضـه لافيـه

من وحي فكري صاغها الحرمان بعيونـي كيـان

أعيـش فيهـا و أحتـرق لسنينـهـا المتقافـيـه

فأن كانها متفرده .. بأحساس و أوصاف و ليـان

قصيدتـي متفـرده .. معنـى و بحـر و قافيـه

بنت القصايد .. كل ما هب الهوى و الطـرق زان

غنيت فيهـا ليـن اصحـي كـل فكـره غافيـه

ما يكفـي انـي كـل مـا غنيتهـا ذاب اللسـان

كنه يقـول ان السكـوت أحيـان حاجـه كافيـه!!

أحيان أخاف الموت بيديها و لا أشعر فـي أمـان

و أحيان أحـب المـوت .. لكـن المنايـا جافيـه

ان سولفت في صدري الخايف من البـرد أستعـان

فيهـا.. و قامـت بيـن ضلعينـه تمشـا حافيـه

فيها برود و ثلجها .. خلطـة رحيـق و زعفـران

تحالفوا فيهـا علـى هيئـة ( عصابـة مافيـه )

هذا يجيـد الفلسفـه .. و هـذا يجيـب الأحتقـان

و انا مع الأثنيـن نفسـي مـا تجـي متصافيـه

وش عاد باقي!! بنت عز/و بنت شيخ/و ذات شـان

مثل البحر و امواجهـا بأسمـى المشاعـر زافيـه

قالت : اذا مات الدفا .. من يثبت ان البـرد خـان

في صحبته .. قاطعتها!!قلت : أسمعي يا وافيـه !

لولا الوفاء مات الدفا ..و اصبح يهون و يستهـان

و أجراحنـا بأروحنـا صـارت مهـي متعافيـه

الشكر لو ماله وجود .. ان كان مـا فيـه أمتنـان

وأكبر جفا .. وش ياسعه غيـر القلـوب الرافيـه؟

يا غاليه .. رغم الوجع رغم التعب رغـم الزمـان

جيتك و قلبـي ينتظـر فرصـة حنـان موافيـه

حطيني بصدرك واذا قال الزمان: أظهـر و بـان

خليني ابقى داخل ضلوعـك .. بخيـر و عافيـه

انتي عطيني من غلاك.. أحساس وشويّـة حنـان

وأعطيـك قلبـي.. والقلـوب أطباعهـا متنافيـه

تدرين لو كان الدفـا دولـه و فيهـا .. برلمـان!

صرت الزعيم .. و قائد أحزاب القلـوب الدافيـه!

لا زلت عادي.. رغم كـل البهرجـه و الهيلمـان

صافي نوايا.. فـي زمـن مالـه نوايـا صافيـه

ما هو خطا لو نفترق .. و يذوب شمع و شمعـدان

بس الخطا لـو نجتمـع .. و قلوبنـا متجافيـه!!

دمتم بخير

صـــح لســــان مــن قــالهاا

وتسلـــم يـــد مـــن نقلهـــااا

ابـــدااااع

تقبل مـــــــروري

الله يسلمك ويعافيك يالدوسري

اسعدني مرورك وكرم حضورك لاعدمنااااك

لك مني اجمل تحية

يا نجم يا ساري علـى مسـراي تكفـى لا تبـان

قّـل للظـلام يلبّـس الدنيـا عـبـاة ٍ ضافـيـه

مليت أشوفك ممتلـي بالنـور و تضـيء المكـان

صــــــح الــســـــــانـــك اخـــــــوي
قــصــيده رائــعــه..وصــاحــبــهــا مـــبـــدع

اختكـ/خــ،ّـــيـــال انثىأ..

صح الله بدنك اختي خيال لاهنتي

عطرتي متصفحي المتواضع بمرورك وحضورك العذب

لك مني اجمل تحية وتقدير

يعطيك العافيه على النقل المميز..

..بجد القصيده روعه وصح لسان قايلها ويسلم الي نقلها

الله يسلمك ويعافيك أختي أنفاس

اسعدني مرورك العذب وحضورك العطر لاعدمناااك

لك مني اجمل تحية

» في يوم مولدي .... امير القلوب!!