صـــانع المكيـــاج

المهم هذي القصيده


يا صانع المكياج الله يجازيك
خليتني مخدوع في شكل خلي


الله يحرق مصنعك مع مبانيك
والمعرض الموجود في بيكاديلي


ادعي عسى تعمى وتنشل رجليك
هذا دعائي دوم لا جيت اصلي


خليتني اركض ورا البنت هاذيك
واشوفها اجمل غرام ٍ حصل لي


قلبي عشقها ياحبيبي توماتيك
وان شافها قلبي يرحب يهلي


هي رحبت بي وقالت الله يحييك
وقالت هلا باللي عشق زين شكلي


وقالت انا اجمل بنت في اللي حواليك
شف حسني الاخاذ وروجي العسلّي


طالعتها ثم قلت هالقلب يبغيك
ومن شاف حسنك خلى غيرك يولي


ابغي اشوفك دون مكياج يكسيك
وابغي اشوفك بالجمال المحلي


قالت تبيني افرك الوجه تفريك
واشيل هالبودر وروجي وكحلي


قلت أي نعم قومي غسلى الروح تفديك
ابغي جمالك هالطبيعي يهلّي


قالت دقايق راجعه لك واراويك
ذاك الجمال اللي لعينك يسلّي


ويوم رجعت لي شربكتني الشرابيك
وحسيت الارض تدور وانا بمحلي


الخد كنه ياحياتي سيراميك
والوجه شارع مثل شارع حولي


الوجه كنه بيت كله شبابيك
من هالحفر في وجهها اللي يعلّي


كله سبب مكياجك الله يجازيك
خليتني مخدوع في شكل خلي


ونصيحتي لكل شاب من غير تشكيك
لا لا اتسرع ثم تنغش مثلي


وتسسسلـــم نــواظــر مـن قـراهااا

وقالت انا اجمل بنت في اللي حواليك
شف حسني الاخاذ وروجي العسلّي


ههههههههههه صــح الــســانــك
رائــعــه الــقــصــيــده..وانـا اشــهــد وانــا بــنــت
كــثــيـر بــنــات كــذا .. بـس حــلــوه خـلــقــة ربــي
حــلاوة الـبـنـت تبرز انـوثـتـها ولـكـن مــاتــبـالـغ


اختكـ/خـ،ّـــيــال انثىأ..