مصير الحي يتلاقى ولو هي طالت الأيام
ولو طالت بنا الفرقا وغابت شمس أمانينا
تمر اسنيننا..وأحلامنا تبكي على الأحلام
تفارقنا كذا فـجــأه.. وحنا مــا تلاقينــا
خطاوينا بلا سكه..ونتحرى الفرج قدام
نمني نفسنا في يوم تتلاقى خطاوينا
يجي عام..بلا لقيا..يجي عام ويرحل عام
يضحكنا الزمن مره..ومرات يبكينا
رسمنا في السماء لوحه وعشنا داخل الاوهام
وضعنا في دروب العمر نسأل عن ليالينا
بسيطه يازمن واللي على صوت الجروح ينام
يجي له يوم بالدنيا يعيش احلام ماضينا
أمل لكن بلا معنى وليل كل ابوه الآم
وحزن فيه كم عشنا..وحزن عاش كم فينا
بوسط قلوبنا لوعه محت فرحة سنين قدام
كرهنا الحب..او حنا ..كرهنا ..لييه حبينا؟
على الله خلها..لا تقلب اوجاعي تعبت هيام
واحس ان العمر كله غدى بحر بلا ميناء
مما راق لي........
موضوع: مصير الحي يتلاقا.................... 
الأحد 4 أكتوبر 2009 - 10:23
