يقول طاوعني ولا تجيب سيره ...

يقول طاوعني ولا تجيب سيره
ابنصحك يا عل في الامر خيره


طوف علشان اتعدل امورك
وجامل خصوصا فالامور الكبيره


وسولف مع هذا وهذا وهذا
وحتى اللي مايفهم بشي استشيره


رفع لخلق الله وضبط معاهم
الدنيا حرب اختار دورك وصيره


اما تكون سلاح والناس هذي
ذخيرتك والا تكون الذخيره


ونافق شفيها ياخي لما تنافق
لا اول ذنوبك ولاهي الاخيره


واكذب يا عمي اصلا الكذب متعه
يكفيك من شره ويعطيك خيره



واذا بلاك الله بقول الصراحه
قول الصراحه فالامور الصغيره


وازعجتنا بالصح والحق والصدق
الصدق ما ودى هل الصدق ديره


وخلص كلامه صاحبي وانا ساكت
ومن عقب ذاك اليوم صاحبت غيره




للشاعر ::عبدالله علوش

اعجبتني اتمنى تعجبكم