السلام عليكم ورحمة الله وبركاته
من عز نفسه عزه الله عن النـاس
وانا عزيـز وعزتـي راس مالـي
مانيب من يتبـع سواليـف بـلاس
اعز نفسـي عنـه وابعـد مجالـي
مبعد مجالي عن هرابيـد الانجـاس
اهـل الـردى ياجعلهـم للزوالـي
اللي سوالفهم تجي مالهـا اقيـاس
افـلان قـال وقـال وافـلان قالـي
اللي بدون احساس يدفن بلا احساس
لاناشـدن عنـه ولاقلـت غـالـي
واقول في بعض الرجاجيل لابـاس
رجـال فاالكلمـه وباالفعـل خالـي
يجذبك باالكلمه معا زيـن الالبـاس
وتقول هذى اللـي يسمـا الهلالـي
ولانيب اعم الناس والناس اجنـاس
احدن يحوش الطيب واحدن موالـي
النفس تبغا طيب الـذات والسـاس
معـرب الجديـن عمـن وخـالـي
لاحتاس فكري قلت لاباس يـاراس
ذكرت ناسـن فعلهـم مـا يزالـي
ناسن لهم في صفحة الطيب نبراس
راسين مثـل مروبعـات الجبالـي
افعالهم تذكر علـى قـب الافـراس
يذكرهـم التـاريـخ اول وتـالـي
اهل المواقف فعلهم يرفـع الـراس
واهل البيوت الشامخـات العوالـي
ناسن سعت بالطيب والطيب نوماس
والطيب وفقه من عزيـز الجلالـي
وصلاة ربي عـد ماهـب نسنـاس
وعداد ماذعـذع علينـا الشمالـي
دمتم كما تحبون
موضوع: من عز نفسه عزه الله عن الناس..وانا عزيز وعزتي راس مالي 
الجمعة 14 أغسطس 2009 - 13:30
